今日又執到一隻貓bb啦 - 明美 (19/4/09) (Lisa領養貓貓BLOG)

Lisa | 21st Apr 2009 | 待領養貓貓 | (76 Reads)

唉，真係唔知點講好，自上次既事，真係好想休息一下，心理上其實仍然都係驚，但就不停不停咁有衰人掉d貓出街，我連想透下氣既時間都冇。

今日我朋友響我屋企附近放狗，之前都見到一個男人袋住隻貓b，隻貓咪咪叫，但我朋友不以為然，點知行多一陣就見公園有一隻貓bb響草叢度咪咪叫，佢拿拿聲call我落去，我落到去見到貓bb係咁跟住我個friend，唔驚人，又唔驚狗，後尾佢諗諗下，隻貓bb應該係頭先個男人放既，因為貓bb叫聲係一樣，真賤格，而家d人係唔係冇晒人性呢，完全唔當佢地有生命，鍾意就放出街，仲要係咁既天氣，萬一真係落大雨，佢一定死緊。

改左佢個名叫"明美"，係之前一位貓友改的，好似係超人系列黎，haha。

呢隻"明美"真係超級嗲，可愛到不得了，真係好好彩，果個公園好小人行，基本上係冇人行，咁啱比我朋友見到，我諗佢做左流浪貓大約十分鐘，仲係好乾淨。

如可給"明美"一生幸福，請留言或 olausenlisa@yahoo.com.hk ，大埔睇貓

所有貓貓都會打預防針後才給領養，會收回預防針費每針$250.00(有針咭)，另$150.00領養費(支助貓貓日常生活、醫療費)

明美﹕一個月大，女仔，三色，超嗲超可愛

領養須知

1. 所有領養者必須滿21歲，如未滿21歲，必須經家長與我聯絡及陪同才可領養動物。超過21歲也要有經濟能力照顧到貓貓。
2. 一般動物如貓、狗等的壽命可以超過10年以上﹔在領養前一定要跟家人達成共識，清楚考慮是否有足夠能力、金錢及時間去照顧牠至終老。
3. 承諾妥善照顧動物至終老，不論是私人理由、情侶或夫妻分開，也不會將其拋棄。
4. 動物都是生命，請尊重愛惜牠，不要以牠作為禮物或紀念品送給別人。
5. 在任何情況下，都不會容許牠被利用作繁殖或實驗用途。
6. 要以愛心及獎勵去訓練動物，不會恐嚇或懲罰牠。
7. 承諾會帶牠到認可獸醫診所作定期健康檢查、防疫注射及診治疾病或創傷。
8. 如牠未接受絕育手術，要在其六個月大或發情期前帶牠到認可的獸醫診所進行有關手術

*家裡必需裝上窗綱，預防貓貓跳樓*

決定養小動物前，請停一停、諗一諗

http://www.isd.gov.hk/chi/tvapi/06_ag18.html